Xarici xəbərlər

Netanyahu: “İran ABŞ və İsrailin birgə zərbəsindən qorxur”

İsrailin baş naziri Benyamin Netanyahu “Fox Business Network” telekanalına müsahibəsində İranın nüvə və raket proqramlarının ölkəsi üçün birbaşa təhlükə yaratdığını bildirib.

Crossmedia.az xarici KİV-ə istinadən xəbər verir. Onun sözlərinə görə, İran ballistik raket istehsalını davam etdirsəydi, beş il ərzində 20 min raketə sahib ola bilərdi ki, bu da nüvə silahı ilə silahlanmış iki ölkəyə bərabər təhlükədir. O, bu planların qarşısının uğurla alındığını vurğulayıb. Trampın İranın zənginləşdirilmiş uranı hücumdan əvvəl gizlətməsinə inanmaması ilə bağlı açıqlamasına toxunan Netanyahu əlavə edib: “Biz uranın yerini bildiyimizi düşünürük – qismən yerin altındadır, amma dəqiq məlumat yoxdur”.

Netanyahu bildirib ki, İran nüvə silahından istifadə edə bilər və bu, “İsrailin və yəhudi tarixinin sonu” ola bilər. O, ABŞ ilə birgə keçirilən son əməliyyatı “güc, sürpriz və böyük uğur” kimi dəyərləndirərək, Trampa və “cəsur Amerika pilotlarına” təşəkkür edib.

🖨 Çap et

13:21 10.07.2025

Oxunuş sayı: 947