Tramp Putinə "od püskürdü": Vaşinqton-Moskva xəttində buzlar qalınlaşır
ABŞ Prezidenti Donald Trampın Rusiya ilə bağlı sərt ifadələri Kreml tərəfindən soyuqqanlılıqla qarşılanıb.
Crossmedia.az xarici mediaya istinadən bildirir ki, xarici telekanalın Moskova müxbiri, Trampın Rusiya siyasəti dəyişkən xarakter daşıyır və onun bir açıqlaması digəri ilə ziddiyyət təşkil edə bilər. Rusiyanın “Komsomolskaya Pravda” qəzeti də yazır: “ABŞ prezidenti fikrini tez-tez dəyişir, sanki ayaqqabısını dəyişir”.
İyulun 3-də Putin və Trampın telefon danışığından sonra ABŞ prezidenti Ukrayna müharibəsi ilə bağlı “irəliləyiş yoxdur” deyib və narazılığını ifadə edib. Bir neçə gün sonra Tramp BRICS-ə daxil olan ölkələrə 10 faiz tarif tətbiq etməklə hədələyib. İyulun 8-də isə Tramp Putini sərt tənqid edərək deyib: “Putin bizə çoxlu boş sözlər danışır… Həmişə mehribandır, amma bu, heç nə ifadə etmir”.
Kremlin sözçüsü Dmitri Peskov bildirib ki, Trampın ritorikası sərt olsa da, Rusiya dialoqu davam etdirməyə çalışır.
Rusiyanın bəzi qəzetləri Trampı “geosiyasi uğursuzluqlarda” ittiham edib, onun “qərarsız və xaotik davranışlarını” tənqid hədəfinə çeviriblər.
Bir neçə ay əvvəl isə Rusiyada Trampa qarşı müsbət münasibət vardı. ABŞ administrasiyası Zelenskiyə təzyiq göstərir, Rusiya ilə ticarət əlaqələrini genişləndirmək niyyətindən danışırdı.
Lakin hazırda Moskva-Tramp əlaqələri soyuyub, tərəflər qarşılıqlı iradlar səsləndirir və münasibətlərin gələcəyi sual altındadır.
Fatimə Nəbiyeva
19:22 09.07.2025
Oxunuş sayı: 755
