Türkiyə Rusiya və Ukrayna arasında üçüncü danışıqlar raundunu keçirməyə hazırdır
Türkiyənin xarici işlər naziri Hakan Fidan T24-ə açıqlamasında bildirib ki, Rusiya-Ukrayna münaqişəsinin həlli ilə bağlı üçüncü danışıqlar raundunun keçirilməsi üçün Türkiyə Ukrayna tərəfinin cavabını gözləyir.
Crossmedia.az Türkiyə mətbuatına istinadən xəbər verir ki, nazirin sözlərinə görə, Moskva artıq İstanbulda keçiriləcək üçüncü raundda iştirak etməyə hazır olduğunu bəyan edib:
“Rusiya danışıqların üçüncü raundunda iştirak etməyə hazır olduğunu bildirib. İndi isə Ukrayna tərəfindən cavab gözləyirik”, – deyə Fidan qeyd edib.
O əlavə edib ki, Türkiyə liderlərin görüşünü təşkil etməyə də tam hazırdır:
“Türkiyədə liderlərin görüşünün təşkilində heç bir problem yoxdur”, – deyə o vurğulayıb.
Fidan, daha əvvəl İstanbulda keçirilən iki raundun uğurlu olduğunu da xatırladıb:
“Əvvəlki iki danışıqlar raundu əsasında rekord sayda əsir və həlak olanların cəsədləri dəyişdirildi”, – deyə Türkiyənin xarici işlər naziri əlavə edib.
Mədinə Cəlilova
20:15 08.07.2025
Oxunuş sayı: 861
