Böyük Britaniya və Suriya diplomatik münasibətləri bərpa edə bilər – David Lammi Şamda
Böyük Britaniyanın xarici işlər naziri David Lammi Suriyaya rəsmi səfər edib. Səfər çərçivəsində britaniyalı diplomat Suriya rəsmisi Əhməd Əl Şaraa ilə görüşüb. Tərəflər regiondakı vəziyyəti, təhlükəsizlik məsələlərini və ikitərəfli əlaqələrin gələcək perspektivlərini müzakirə ediblər.
Crossmedia.az xarici mediaya istinadən bildirir ki, görüş zamanı David Lammi Londonda Suriyaya münasibətdə diplomatik kursun dəyişdiyini vurğulayıb. O, Birləşmiş Krallığın Şamla diplomatik münasibətləri bərpa etməyə hazır olduğunu bildirib. Lammi əlavə edib ki, bu addım regional sabitliyə və Suriyada humanitar vəziyyətin yaxşılaşdırılmasına töhfə verə bilər.
Məlumata görə, bu səfər Birləşmiş Krallıqla Suriya arasında son illərdə ilk yüksək səviyyəli təmas kimi qiymətləndirilir. Lamminin bəyanatı beynəlxalq arenada da rezonans doğurub. Siyasi müşahidəçilər bu addımı Yaxın Şərqdə diplomatik normallaşma proseslərinin tərkib hissəsi kimi dəyərləndirirlər.
11:08 06.07.2025
Oxunuş sayı: 705
