Səfir: Londonun Moskva ilə konfrontasiya kursu dəyişməyəcək
Böyük Britaniyada Rusiyanın fövqəladə və səlahiyyətli səfiri Andrey Kelin bildirib ki, Londonda Rusiyaya qarşı konfrontasiya mövqeyi artıq dərin kök salıb və yaxın gələcəkdə bu mövqe dəyişməyəcək.
Crossmedia.az xəbər verir ki, bu barədə TASS məlumat verib. Diplomatın sözlərinə görə, iyun ayında Britaniya hökuməti tərəfindən təqdim olunan Strateji Müdafiə İcmalı və Milli Təhlükəsizlik Strategiyası sənədlərində Rusiyanın ölkə üçün “dərhal və təcili təhlükə” kimi göstərilməsi yeni yanaşma deyil: “Bu sənədlərdə elə də yeni heç nə yoxdur”,– o bildirib.
A.Kelin əlavə edib ki, Böyük Britaniya hakimiyyəti daha çox qısamüddətli məqsədləri həyata keçirməyə fokuslanıb:
“Onlar NATO müttəfiqlərinə özlərini göstərmək və guya on il ərzində hərbi xərclərin artırılmasını təmin edəcək büdcə dəyişikliklərini əsaslandırmaq istəyirlər. Bu zaman isə digər həyati əhəmiyyətli məsələlər arxa plana keçir”, – deyə səfir vurğulayıb.
Fatimə Məmmədova
15:08 05.07.2025
Oxunuş sayı: 979
