Ermənistanın keçmiş prezidenti Paşinyan və Simonyanı məhkəməyə verdi
Ermənistanın keçmiş prezidenti Robert Koçaryan ölkənin hazırkı Baş naziri Nikol Paşinyan və Milli Assambleyanın sədri Alen Simonyana qarşı məhkəmə iddiası qaldırıb.
Crossmedia.az xəbər verir ki, bu barədə Ermənistan mediası məlumat yayıb.
Məlumata görə, Koçaryan Paşinyandan 2024-cü il iyunun 5-də sosial şəbəkələrdə yaydığı məlumatı təkzib etməsini tələb edir.
Həmin paylaşımda baş nazir Koçaryanı "rüşvətxor" adlandıraraq, bu faktın guya məhkəmə tərəfindən sübuta yetirildiyini iddia etmişdi. Eks-prezident bu açıqlamanı "əsassız yalan və böhtan" adlandırıb və mənəvi zərərə görə 6 milyon dram (təxminən 15 min ABŞ dolları) kompensasiya tələb edir.
R.Koçaryan həmçinin Alen Simonyandan da məhkəmə yolu ilə üzr tələb edir. O, parlament sədrinin brifinq zamanı və digər platformalarda səsləndirdiyi fikirlərin onun "şərəf və ləyaqətini alçaltdığını" bildirərək, Simonyandan 6 milyon dram (təxminən 15 min dollar) məbləğində böhtana, 3 milyon dram (təxminən 7 500 dollar) isə təhqirə və mənəvi zərərə görə ümumilikdə 9 milyon dramlıq təzminat istəyir.
17:33 14.06.2025
Oxunuş sayı: 9611
