Xarici xəbərlər

Gemini üç şirkətin sisteminə müdaxilə edib

Google-un süni intellekt modeli Gemini kibertəhlükəsizlik imkanlarının sınağı zamanı üç şirkətin sisteminə müstəqil şəkildə daxil olub.

Crossmedia.az xəbər verir ki, “BBC” bu barədə məlumat yayıb.

Google rəsmisinin sözlərinə görə, Gemini internetdə açıq məlumatları tapıb və sınaq çərçivəsində olduğunu düşündüyü saytlara daxil olmaq üçün giriş məlumatlarını təxmin edib. Şirkət bildirib ki, hər üç halda model müəyyən mərhələdə fəaliyyətini dayandırıb.

Hadisələr may ayında kibertəhlükəsizlik üzrə müstəqil qiymətləndirmələr aparan “Irregular” şirkətinin keçirdiyi test zamanı baş verib. Təsirə məruz qalan şirkətlərə müdaxilələr barədə məlumat verilib.

“Irregular” bildirib ki, iyul ayında Google və hadisədən təsirlənən bütün qurumları məlumatlandırıb və müəyyən edilmiş problemlərin aradan qaldırılması üçün tədbirlər görülüb. BBC-nin məlumatına görə, bu hadisə süni intellektin müstəqil şəkildə real şirkət sistemlərinə müdaxilə etdiyi ilk məlum hallardan biri hesab olunur.

Mövzular:

Google Gemini kibertəhlükəsizlik Irregular süni intellekt üç şirkət Hadisələr

🖨 Çap et

20:02 19.09.2026

Oxunuş sayı: 219