Qrossi: "Natanzdakı uran zənginləşdirmə kompleksi sıradan çıxarılıb"
Beynəlxalq Atom Enerjisi Agentliyinin (MAQATE) rəhbəri Rafael Qrossi BMT Təhlükəsizlik Şurasının iclasında bildirib ki, İsrailin İranın Natanzdakı nüvə obyektinə endirdiyi zərbələr uranın zənginləşdirilməsi üçün yer üstü pilot kompleksini tamamilə məhv edib.
Crossmedia.az xarici mediaya istinadən xəbər verir ki, onun sözlərinə görə, ərazidə 60%-ə qədər zənginləşdirilmiş uran istehsal edilib. Enerji təchizatı və ehtiyat generatorlar da sökülüb, ehtimal ki, sentrifuqalara ziyan dəyib. Qrossi qeyd edib ki, obyekt daxilində radiasiya və kimyəvi çirklənmə qeydə alınıb, lakin bu, nəzarət altındadır və müvafiq tədbirlərlə lokallaşdırıla bilər. Kompleksdən kənarda radiasiya səviyyəsi normal həddə qalır.
O, həmçinin bildirib ki, İran agentliyə digər nüvə obyektlərinə - Fordo və İsfahandakı hücumlar barədə məlumat verib.
09:46 14.06.2025
Oxunuş sayı: 986
