Putin İsrailin hava zərbələrini pislədi, İran xalqına başsağlığı verdi
Rusiya Federasiyasının Prezidenti Vladimir Putin İsrailin hava zərbələri nəticəsində çoxsaylı insan tələfatı ilə bağlı İran rəhbərliyinə və xalqına başsağlığı verib.
Crossmedia.az xəbər verir ki, Kreml tərəfindən yayılan açıqlamada qeyd olunub ki, Rusiya İsrailin BMT Nizamnaməsini və beynəlxalq hüququ pozaraq həyata keçirdiyi hücumları qətiyyətlə pisləyir.
Putin bildirib ki, Rusiya tərəfi İranın nüvə proqramı ətrafında vəziyyətin sülh yolu ilə tənzimlənməsini daim dəstəkləyib:
“Rusiya, qarşılıqlı məqbul razılaşmaların tapılmasına yönəlmiş konkret təşəbbüslər irəli sürüb və bundan sonra da İran və İsrail arasında münaqişənin deeskalasiyasına töhfə verməyə davam edəcək”, – deyə Rusiya lideri vurğulayıb.
22:45 13.06.2025
Oxunuş sayı: 1836
