Məşhur marketlər “vətəndaşların cibinə girirmiş”: İqtisadçı “dilə gəldi”
Son günlər bəzi iri ticarət şəbəkələrində məhsulların üzərində göstərilən qiymətlə kassada ödənilən məbləğ arasında uyğunsuzluq müşahidə olunub. Bu hallar xüsusilə ictimai qınağa səbəb olub. Artan şikayətlər fonunda aidiyyəti qurumlar tərəfindən aparılan yoxlamalar nəticəsində “Araz Supermarket” və “Bazarstore”da müəyyən məhsulların üzərindəki qiymətdən baha satıldığı məlum olub. Nəticədə hər iki market cərimələnib. Bu adı çəkilən marketlər şəbəkəsinin vətəndaşlarının ciblərinə girməsindən başqa bir şehy deyil. Belə ki, hansısa ərzaq məhsulunun vitrində məsələn 3 manat olduğunu görüb kassada iki dəfə baha ödəməli oluruq. Bəzən də heç pulumuz çatmır və məhsulu qaytarırıq. Bu, təkcə iqtisadi yox, həm də sosial və psixoli problemlərə səbəb olur.
Mövzu ilə bağlı Crossmedia.az-a açıqlama verən iqtisadçı
ekspert Natiq Cəfərli bildirib ki, belə halların qarşısının alınması təkcə dövlət
orqanlarının məsuliyyəti deyil. Onun sözlərinə görə, vətəndaş nəzarəti bu cür
qanunsuzluqlara qarşı ən təsirli vasitələrdən biridir: “Dövlət qurumlarının
minlərlə marketə eyni anda nəzarət etməsi fiziki baxımdan mümkün deyil. Məhz bu
səbəbdən vətəndaşlar diqqətli olmalı, rastlaşdıqları uyğunsuzluqları aidiyyəti
dövlət və hökumət orqanlarına bildirməlidirlər ki, bu kimi hallara qarşı
operativ tədbirlər görülsün,” – deyə ekspert vurğulayıb.
N. Cəfərli qeyd edib ki, belə halların təkrarlanmaması üçün
tətbiq olunan cərimə və digər inzibati tədbirlər önəmlidir, lakin vətəndaşların
fəallığı olmadan bu prosesin davamlılığı təmin oluna bilməz: “Yəni dövlət
orqanlarının hər gün hər bir marketə nəzarət etmək üçün kifayət qədər resursu
yoxdur. Ona görə də ictimai nəzarət mühüm rol oynayır. İistehlakçılar öz
hüquqlarını bilməli və onların pozulması hallarında səlahiyyətli qurumlara dərhal
məlumat verməlidirlər”.
Zəhra Ağayeva
12:19 02.06.2025
Oxunuş sayı: 1800
