Rusiya niyə Ukrayna ilə birbaşa təmaslarda maraqlıdır? - RƏY
Rusiya prezidentinin mətbuat katibi Dmitri Peskov bildirib ki, Moskva ilə Kiyev arasında birbaşa əlaqələr həyata keçirilir.
Rusiya tərəfinin müharibə ilə həmçinin sülh danışıqları ilə bağlı mövqeyi çox zaman mübahisəli və ziddiyyətli olub. Bu danışıqların hansı formatda olduğu, Ukrayna tərəfinin məsələyə necə baxdığı müəmmalıdır.
Mövzu ilə bağlı politoloq Elçin Xalidbəyli Crossmedia.az-a açıqlama verib:
"Kreml Ukrayna ilə danışıqlar prosesini ABŞ və Qərbin nəzarətindən çıxararaq Rusiyanın təsir dairəsinə salmağa can atır. Ona görə də həm ABŞ-nin, həm də Avropanın müdaxiləsini minimuma endirmək üçün Ukrayna ilə birbaşa danışıqlar modelinə üstünlük verməyə başlayıb. Bunun real örnəyi Azərbaycan və Ermənistan arasında birbaşa təmaslar ikitərəfli danışıqlar formatıdır. Rusiyada bu formatın effektliliyini gördüyü üçün bundan istifadə etməyə çalışır. Ancaq Kremlin əsas hədəfi ədalətli sülhə və normal münasibətlərə nail olmaq deyil. Kənar müdaxilələri bloklamaqla Ukraynanı tam Rusiyanın təsir dairəsinə salmağa çalışmaqdır. Lakin Qərbin Rusiyaya belə imkanlar tanıyacağı ehtimal deyil".
Ayhan Ağarzayev
13:01 21.05.2025
Oxunuş sayı: 829
