Putin yenə təhdid etdi: Nüvə müharibəsi başlayır?
Rusiya Prezidenti Vladimir Putin nüvə silahına ehtiyac duyulmadan Ukraynada aparılan hərbi əməliyyatların uğurla başa çatdırıla biləcəyini bildirib. O, jurnalist Pavel Zarubinlə söhbətində qeyd edib ki, Rusiya təhriklərə baxmayaraq, məqsədlərinə çatmaq üçün kifayət qədər gücə və resursa malikdir. Prezidentin sözlərinə görə, bəzi dairələr Moskvanın səhv addım atmasını və nüvə silahına əl atmasını gözləyirdi, lakin belə bir ehtiyac yaranmayıb və ümid edilir ki, gələcəkdə də yaranmayacaq.
Rusiya rəsmiləri çoxdandır nüvə silahı barədə danışmırdı. İndi Putinin yenidən mümkün nüvə savaşına işarə vurması diqqət çəkir.
Putinin dedikləri barədə Crossmedia.az-a danışan siyasi şərhçi Turab Rzayav söyləyib ki, Rusiya bu ssenaridən yayınmağa çalışır: ""Çünki Rusiya nüvə silahından istifadə edərsə, bu, bir çox etiraza səbəb ola bilər. Rusiya faktiki olaraq haqlılıq payı var. Onsuz da dünya ictimaiyyəti Rusiyanın əleyhinədir. Müharibə olsa haqsız yerə olar. Ancaq nüvə silahından istifadə etmək faktiki olaraq istər Ukraynada, istər Qərbdə, NATO əleyhinə ola bilər. İkinci bir tərəfdən, Rusiya böyük ehtimal nüvə silahı fəaliyyətindən qorxur. Çünki nüvə silahından istifadə eləsə, Qərbdən çox daha ağır zərbələr ala bilər".
T.Rzayevin sözlərinə görə, Rusiya əvvəllər dəfələrlə nüvə silahı ilə təhdid edilib: "Ancaq bundan sonra çəkinib və qorxub. Ukraynanın vəsaitləri həlledici səviyyədə deyil. Rusiya əvvəllər daha çətin məqamlarda dəfələrlə bu problemi həll etmişdi. Rusiya dəfələrlə xəbərdar edib ki o nüvə silahi istifadə edilə bilər".
Fatimə Məmmədova
15:21 05.05.2025
Oxunuş sayı: 634
