Dünya liderləri Romada Papa Fransiskin dəfn mərasimində iştirak edib
Dünya liderləri və minlərlə insan Romada toplaşaraq Papa Fransiskin dəfn mərasimində iştirak edib.
Crossmedia.az xarici mediaya istinadən bildirir k, Vatikanın Müqəddəs Pyotr Meydanında keçirilən mərasimdə bir çox ölkənin dövlət və hökumət başçıları, dini liderlər və müxtəlif səviyyələrdə rəsmi nümayəndələr iştirak ediblər. İctimaiyyət də Papa Fransiskə son ehtiramını bildirmək üçün mərasimə axışıb.
Papa Fransisk xristian dünyasında sadəliyi və islahat yönümlü yanaşması ilə tanınırdı. Onun dövründə Vatikan bir çox sosial və humanitar mövzuda daha açıq mövqe nümayiş etdirmişdi. Dəfn mərasimində çıxış edənlər Papa Fransiskin həyatını insanlara yaxınlığı, ədalət və sülh çağırışları ilə yadda saxladıqlarını bildiriblər.
Mərasim zamanı Fransanın Prezidenti, İtaliyanın Baş naziri, Almaniya və İspaniyanın yüksək vəzifəli nümayəndələri də daxil olmaqla, bir çox ölkənin liderləri Papa Fransiskə ehtiramlarını ifadə ediblər. Mərasimdə həmçinin müxtəlif dini icmaların təmsilçiləri də iştirak edib.
Papa Fransiskin dəfni bütün dünyada milyonlarla insan tərəfindən canlı yayımla izlənilib.
Fatimə Nəbiyeva
13:22 26.04.2025
Oxunuş sayı: 964
