Bluesky Türkiyədə 72 hesaba girişi məhdudlaşdırdı
Türkiyə hökumətinin tələbi ilə Bluesky sosial şəbəkəsi bu ayın əvvəlində ölkədəki 72 istifadəçi hesabına girişin məhdudlaşdırıldığını açıqlayıb. Qərarın nəticəsi olaraq, Türkiyədəki istifadəçilər bu hesabların məzmununu artıq görə bilmirlər və həmin hesabların təsir dairəsi əhəmiyyətli dərəcədə azalıb.
Crossmedia.az xarici mediaya istinadən xəbər verir ki, X platformasındakı senzura səbəbindən bir çox Türkiyəli istifadəçi daha sərbəst bir mühit təklif etdiyi düşünülən Bluesky-a keçmişdi. Lakin Bluesky-ın Türkiyə hökumətinin tələblərinə əməl etməsi sosial şəbəkənin nə dərəcədə açıq və mərkəzsiz olduğu ilə bağlı ictimaiyyət arasında suallar doğurub. Bəzi istifadəçilər bu vəziyyəti Bluesky-ın Twitter-ə bənzədiyi şəklində qiymətləndirirlər.
Bununla belə, Bluesky-ın texniki infrastrukturunun bu cür bloklamaları aşmağı X platformasına nisbətən daha asan etdiyi vurğulanır. Lakin platforma hələ də Mastodon kimi daha açıq və mərkəzsiz alternativlər qədər sərbəst qəbul edilmir.
Zeynəb Yunuszadə
20:15 25.04.2025
Oxunuş sayı: 710
