Gürcüstan parlamenti xarici qrantlara nəzarəti sərtləşdirib
Gürcüstan parlamenti “Qrantlar haqqında” qanuna dəyişiklikləri üçüncü və yekun oxunuşda təsdiqləyib.
Crossmedia.az xarici mediaya istinadən xəbər verir ki, yeni dəyişikliklərə əsasən, xarici qrantların alınması yalnız hökumətin və ya konkret səlahiyyətli şəxsin razılığı ilə mümkün olacaq.
Qanun layihəsi hakim “Gürcü arzusu” partiyası tərəfindən məcburi və sürətləndirilmiş prosedurla qəbul edilib. Üçüncü oxunuşda layihənin lehinə 82 deputat səs verib, əleyhinə isə heç bir səs qeydə alınmayıb.
Qanunun icrasına Korrupsiyaya Qarşı Mübarizə Bürosu nəzarət edəcək. Qanun pozuntusu baş verdiyi halda, qrant alan təşkilatlar aldıqları məbləğin iki misli qədər cərimələnəcəklər.
Mədinə Cəlilova
20:38 16.04.2025
Oxunuş sayı: 1383
