Tramp administrasiyası 30 səfirlik və konsulluğu bağlamağı planlaşdırır
ABŞ prezidenti Donald Trampın administrasiyası xaricdəki diplomatik mövcudluğun ciddi şəkildə dəyişdirilməsi ilə əlaqədar olaraq, təxminən 30 səfirlik və konsulluğun bağlanması imkanını nəzərdən keçirir.
Bu barədə Crossmedia.az CNN-ə istinadən məlumat verir.
Təklif olunan dəyişikliklər ABŞ-nin diplomatik xidmətində daha genişmiqyaslı islahat gözləntiləri fonunda baş verir.
Tramp administrasiyası İlon Mask tərəfindən dəstəklənən İdarəetmənin Effektivliyi Departamenti (DOGE) tərəfindən təşviq olunan, federal hökumətin kəskin şəkildə ixtisarı üçün tədbirlər görür.
Dövlət katibi Marko Rubionun bu bağlanma təkliflərini imzalayıb-imzalamadığı hələ məlum deyil.
Sənəddə 10 səfirlik və 17 konsulluğun bağlanması tövsiyə olunur. Onların çoxu Avropa və Afrikada, lakin Asiya və Karib hövzəsində də nümayəndəliklər var. Siyahıya aşağıdakılar daxildir:
Maltada, Lüksemburqda, Lesotoda, Konqo Respublikasında, Mərkəzi Afrika Respublikasında və Cənubi Sudanda yerləşən səfirliklər;
Fransada beş, Almaniyada iki, Bosniya və Herseqovinada iki, Böyük Britaniyada bir, Cənubi Afrikada bir və Cənubi Koreyada bir konsulluq.
Sənəddə, bağlanacaq səfirliklərin funksiyalarının qonşu ölkələrdəki diplomatik nümayəndəliklər tərəfindən yerinə yetirilməsi təklif olunur.
Nuray Mikayıllı
15:00 16.04.2025
Oxunuş sayı: 1432
