Qrenlandiyada ABŞ komandiri vəzifədən azad edildi
ABŞ Müdafiə Nazirliyi (PentaQon) Qrenlandiyadakı Pituffik Kosmik Bazasının komandiri, polkovnik Süzan Meyersi vəzifədən azad edib. Səbəb onun vitse-prezident Cey Di Vansın səfəri ilə bağlı göndərdiyi məktubda ABŞ administrasiyasının fikirlərindən uzaq mövqe sərgiləməsi olub.
Crossmedia.az xəbər verir ki, bu barədə məlumatı "Fox News " yayıb.
Məlumata görə, martın 31-də bazadakı şəxsi heyətə yazdığı e-maildə Meyers qeyd edib: “Mövcud siyasəti tam anlamıram, amma vitse-prezident Vansın səsləndirdiyi narahatlıqlar Pituffik Bazasının mövqeyini əks etdirmir".
ABŞ Kosmik Qüvvələri Meyersin vəzifədən uzaqlaşdırılmasını “komandirlik bacarığına olan inamın itməsi” ilə əsaslandırıb. Onun yerinə komandir postuna polkovnik Şon Li təyin edilib.
PentaQonun sözçüsü Şon Parnell bildirib: “Əmr zəncirinə xələl gətirən və ya Prezident Trampın siyasətini zəiflədən heç bir addım müdafiə sistemində qəbul edilə bilməz”.
Vens isə səfəri zamanı Danimarkanı Qrenlandiyaya yetərli diqqət göstərməməkdə və qitəni Çin və Rusiyadan qorumaqda zəif qalmaqda ittiham edib. Tramp administrasiyası Qrenlandiyanın ABŞ üçün strateji əhəmiyyət daşıdığını bildirir.
Qeyd edək ki, Tramp mart ayında bildirb ki, Qrenlandiya onlar üçün vacibdir. Əgər onlar orada olmasaydı qlobal təhlükəsizlik zəifləyəcəkdi.
Fatimə Məmmədova
12:45 13.04.2025
Oxunuş sayı: 1407
