Polşa XİN rəhbəri: “ABŞ-nin səbri sonsuz deyil, siyasətini dəyişə bilər”
Polşanın xarici işlər naziri Radoslav Sikorski bildirib ki, ABŞ-nin yüksək səviyyəli rəsmiləri ilə apardığı danışıqlar Vaşinqtonun Rusiya ilə bağlı səbrinin tükəndiyini göstərir.
“ABŞ-nin yüksək səviyyəli rəsmiləri ilə söhbətlərim göstərir ki, Birləşmiş Ştatların səbri sonsuz deyil,” — deyə Sikorski qeyd edib.
Crossmedia.az xarici mediaya istinadən xəbər verir ki, nazirin sözlərinə görə, Rusiya hakimiyyəti ABŞ administrasiyası ilə danışıqları uzatmaq və vaxt qazanmaq üçün səy göstərir. Lakin bu vəziyyət uzun çəkməyə bilər:
“Gec-tez bəlkə də, bir neçə həftə ərzində ABŞ öz siyasətini dəyişəcək,” — deyə o vurğulayıb.
Sikorskinin bu bəyanatı, Qərbin Rusiya ilə münasibətlərində gərginliyin davam etdiyi bir dövrə təsadüf edir.
Mədinə Cəlilova
20:24 10.04.2025
Oxunuş sayı: 2145
