Moldova mediasında Xocalı soyqırımına dair məqalələr dərc edilib
Moldova mediasında Xocalı soyqırımının 33-cü ildönümünə həsr olunan məqalələr dərc edilib.
“Moldpres” dövlət informasiya agentliyində və “Noi” xəbər portallarında rumın, ingilis və rus dillərində dərc olunan məqalələrdə oxuculara Xocalı soyqırımı həqiqətləri çatdırılıb.
Həmçinin, Azərbaycanın Moldovadakı səfirliyində Xocalı soyqırımına dair keçirilən tədbir haqqında ətraflı məlumat verilib. Qeyd edilib ki, 1992-ci ilin həmin faciəli gecəsində 613 dinc sakin, o cümlədən uşaqlar, qadınlar və qocalar ermənilər tərəfindən vəhşicəsinə qətlə yetirilib.
Məqalələrdə vurğulanır ki, Xocalı qurbanlarının xatirəsi bir çox ölkələrdə, o cümlədən ABŞ-da, Avropa ölkələrində, Türkiyədə ehtiramla yad edilib.
Qeyd olunub ki, 1994-cü ildə Azərbaycan Prezidenti Heydər Əliyevin xüsusi Sərəncamı və Milli Məclisin qərarı ilə fevralın 26-sı Xocalı soyqırımı və Milli soyqırımı günü elan edilib. (AZƏRTAC)
13:50 27.02.2025
Oxunuş sayı: 7139
