Azərbaycan Yaponiyada keçiriləcək sərgisində iştirak edəcək
Azərbaycan Yaponiyada keçiriləcək “Osaka Kansai EKSPO 2025” sərgisində iştirak edəcək.
Bu barədə Yaponiyanın Azərbaycandakı səfiri Katsuya Vatanabe bu ölkənin imperatoru Əlahəzrət Naruhitonun doğum gününə həsr olunan rəsmi qəbulda çıxışı zamanı məlumat verib.
Səfir bildirib ki, bu ilin 13 aprel tarixindən yarım il ərzində Yaponiyanın Osaka şəhərində “Osaka Kansai EKSPO 2025” sərgisinin açılışı olacaq:
“Həyatımız üçün gələcək cəmiyyəti formalaşdıraq” mövzusu əsasında növbəti nəsil cəmiyyətinin baxışlarını tərənnüm edən məkan olaraq bütün dünyadan bilik, texnologiya və insanları toplayacaq, birgə yeni dəyərlər yaradacaq bir tədbir olacağına əminəm”.
O əlavə edib ki, Azərbaycan sərgidə “Dayanıqlılığın yeddi körpüsü” mövzusu ilə iştirak etməyi planlaşdırır.(Report)
20:05 21.02.2025
Oxunuş sayı: 6611
