Gündəm

“Ulduz”-“Genç Yürekler” dərgiləri arasında əməkdaşlıq davam edəcək!

Bunu “Ulduz” aylıq ədəbiyyat dərgisinin baş redaktoru Qulu Ağsəs mətbuata açıqlamasında deyib. Həmçinin, “Genç Yürekler” ilə qoşa çıxılan yoldan danışıb: “İki il öncə qardaş ölkədə türkdilli dövlətlərin dərgilərinin fuarı keçirilirdi. “Ulduz” jurnalı da həmin tədbirə redaksiya heyətinin üzvü, şair Rəsmiyyə Sabirin qismində qatılmışdı. Azərbaycana dönən Rəsmiyyə xanım mənə ordakı dərgilərdən bəhs etdi və “Gənc ürəklər” dərhal diqqətimi cəlb etdi. Beləcə, dərginin baş redaktoru Möhtərəm Şahinlə yazışdıq, bir-birimizə əbədi əməkdaşlıq təklifi yolladıq. İstəyimiz qısa vaxtda reallaşdı. Hər iki dərginin-“Ulduz”da “Genç Yürekler”, “Genç Yürekler”də “Ulduz”- nəşri bir daha sübut etdi ki, biz ulu öndər Heydər Əliyevin dediyi kimi, həqiqətən, iki dövlət, bir millətik!”

İki dərgi arasındakı əməkdaşlığın nəticəsi kimi, aylıq dərgi olan “Ulduz”un 2024-cü il sentyabr sayında “Genç Yürekler” dərgisinin yazarlarının əsərləri Türkiyə türkcəsində işıq üzü gördü. Üç ayda bir çıxan “Genç Yürekler” dərgisinin qış sayında (14-cü sayı) isə “Ulduz” müəlliflərinin, Azərbaycanın müasir ədəbiyyatının görkəmli nümayəndələrinin yazıları yer aldı. İki qardaş ölkənin ədəbiyyat adamları, mətbuatı bu ədəbi hadisəni yüksək dəyərləndirdilər.
27 yanvar 2025-ci ildə Azərbaycan Yazıçılar Birliyində yüksək səviyyədə təqdimatı keçirilən “Genç Yürekler” dərgisinin qış sayını Azərbaycana dərginin Yazı İşləri Müdiri Cem Arslan gətirmişdi. Bu barədə isə “Genç Yürekler” dərgisinin sahibi və Yayın Kurulu Başkanı, şair Muhterem Şahin mətbuata açıqlamasında qeyd edib: “Bir Millet, İki Devlet: Azerbaycan-Türkiye” sloganı ile karşılıklı sayılar çıkaran Genç Yürekler ile Ulduz Dergisi; kültür, sanat, edebiyat, basın ve yayın camiasında da takdirle karşılandı. Yakın zamanda dergimizin bu son sayısını Bakü’ye ulaştırma imkanı bulduk. Hamd olsun. Orada Azərbaycan Yazıçılar Birliyi'nde (AYB) çok güzel bir tanıtım programı oldu. Büyük kalem üstadı Anar Bey, dergilerimizden övgüyle söz etti.
Ulduz Dergisinin Baş Redaktoru Qulu Ağses Bey'in fedakarlığını, gayretini unutamam. Redaksıya Heyeti Üyesi Prof. Dr. Resmiyye Sabir Hanım'ın yardım ve desteğini unutamam. Her ikisine de şükranlarımı sunuyorum”.
Bu gün də “Ulduz”-“Genç Yürekler” qardaşlığı barədə Türkiyə və Azərbaycan mətbuatında silsilə yazılar dərc olunmaqdadır. Qardaş ölkənin “Ankara Ulus” və “İlksayfa” qəzetləri, (həmçinin, qəzetlərin saytları) xəbər mətnləri yayımladılar. 18 fevral 2025-ci ildə isə “AnaHaberGazete” (anahaberyorum.com) “Genç Yürekler Dergisinin Son Sayısı Azerbaycan'da Yankı Buldu” başlığı ilə özəl xəbər hazırladı.
Azərbaycanın edebiyyatveincesenet.az, mia.az, reyting.az, adalet.az saytları, yaşı bir qərinəyə çatan “525-ci qəzet”i bu ədəbi hadisə ilə bağlı xəbər və münasibət səpkili yazılar yayımladı.