Gündəm,Diaspor
ABŞ-də azərbaycanlılar üçün səyyar konsulluq xidməti təşkil olunacaq
ABŞ-nin Nyu-York şəhərində növbəti dəfə səyyar konsulluq xidməti təşkil olunacaq.
Crossmedia.az Azərbaycanın Vaşinqtondakı səfirliyinin yaydığı məlumata istinadən xəbər verir.
Bildirilib ki, səyyar konsulluq xidməti 22 fevral tarixində baş tutacaq.
Qəbul çərçivəsində Nyu-York və ətraf ərazilərdə yaşayan həmvətənlərimizə ümumvətəndaş pasportlarının verilməsi və dəyişdirilməsi, eləcə də, notariat əməliyyatlarla bağlı xidmətlərin göstərilməsi nəzərdə tutulub.
ABŞ-də səyyar konsulluq xidməti Azərbaycan səfirliyi tərəfindən ölkənin müxtəlif şəhər və ştatlarında mütəmadi təşkil olunur.
20:16 17.02.2025
Oxunuş sayı: 6093
