Trampdan sonra saxta liberal nizam dəyişməyə başladı: - Mixail Kavelaşvili
Gürcüstan prezidenti Mixail Kavelaşvili parlamentdə illik hesabatını təqdim edib. Hesabatını təqdim edən prezident, Trampın qələbəsindən sonra dünyada baş verən dəyişikliklər haqqında da danışıb.
Crossmedia.az xəbər verir ki, bu barədə Gürcüstanın yerli mediası məlumat verib. Kavelashvilinin sözlərinə görə, dəyərlərin üst-üstə düşməsi yeni administrasiya dövründə ABŞ-Gürcüstan münasibətlərinin yenidən qurulacağına inam yaradır.
"ABŞ-də baş verən proseslər və onların bütün dünyadakı nəticələri Gürcüstan xalqını bir daha dövlətimizin apardığı siyasətin və dəyərlərinin doğruluğuna inandırdı. ABŞ-də Donald Trampın qələbəsindən sonra dünyada saxta liberal nizamın dəyişməyə başlaması sevindiricidir. Mən bunu Donald Tramp effekti adlandırardım. Sülh siyasəti, milli maraqların prioritet olması, mühafizəkar və ənənəvi dəyərlərin qorunması, ailənin möhkəmləndirilməsi, xristianlığın rolunun artırılması – bunlar son onillik ərzində dövlətimizin müdafiə etdiyi dəyərlərdir. Məhz bu dəyərlərin və dünyagörüşlərinin üst-üstə düşməsi mənə yeni administrasiya dövründə ABŞ ilə münasibətləri yenidən qurmaq və normallaşdırmaq üçün dərin inam verir", – deyə Kavelashvili qeyd edib.
Tərlan Əmrahova
18:36 04.02.2025
Oxunuş sayı: 3057
