NATO-nun qorunub saxlanılması Avropanın taleyüklü səhvi olub
Avropa NATO-nu qoruyub saxlamaqla taleyüklü səhvə yol verib. Bu addım alyans üzvlərini onun mövcudluğunu əsaslandırmaq üçün yeni düşmənlər axtarmağa vadar edib.
Crossmedia.az TASS-a istinadən xəbər verir ki, bunu ABŞ Dəniz Piyadaları Korpusunun keçmiş kəşfiyyat analitiki Skott Ritter bildirib.
Onun sözlərinə görə, ABŞ-nin keçmiş prezidenti Duayt Eyzenhauer hələ 1961-ci ildə xalqa vida müraciətində hərbi-sənaye kompleksinin yaratdığı təhlükələr barədə xəbərdarlıq etmişdi. Ritter hesab edir ki, müdafiə sənayesindən iqtisadi asılılıq dövlətləri hərbi xərcləri əsaslandırmaq üçün düşmən axtarmağa sövq edir. Nəticədə ölkələr ya müharibə aparmağa, ya da müharibəyə hazırlaşmağa məcbur qalırlar.
Ekspertin fikrincə, NATO-nun mövcudluğu Avropa ölkələrinin Rusiyaya qarşı aqressiv siyasətini şərtləndirən amillərdən biridir. O qeyd edib ki, alyansın fəaliyyətini davam etdirməsinə haqq qazandırmaq məqsədilə diqqət Ukraynaya yönəldilib.
12:57 22.11.2026
Oxunuş sayı: 125