ABŞ-də seçicilərin demokratlara dəstəyi kəskin artıb
ABŞ-də keçirilən aralıq seçkilərin ilkin nəticələri ölkə üzrə seçici dəstəyinin Demokratlar Partiyası istiqamətində əhəmiyyətli dərəcədə dəyişdiyini göstərir.
Crossmedia.az xəbər verir ki, “The New York Times” qəzeti seçki nəticələrinin təhlilinə istinadən bu barədə məlumat yayıb.
Nəşrin məlumatına görə, səslərin hesablanmasının demək olar ki, başa çatdığı dairələrdə demokratların xeyrinə orta hesabla 16 faiz bəndi dəyişiklik qeydə alınıb.
Müqayisə üçün, 2024-cü il seçkilərində həmin göstərici respublikaçıların xeyrinə 5 faiz bəndi təşkil edib.
Diqqətçəkən məqamlardan biri də demokratların məğlub olduğu ştatlarda belə seçici dəstəyinin onların xeyrinə dəyişməsidir.
Belə ki, Tennessi və Kentukki ştatlarının hər birində demokratların xeyrinə 18 faiz bəndi dəyişiklik müşahidə olunub.
Qəzetin təhlilinə əsasən, bu göstəricilər seçici davranışında ölkə miqyasında dəyişikliklərin baş verdiyini göstərir.
Qeyd edək ki, təqdim olunan rəqəmlər ilkin seçki nəticələrinin əvvəlki seçkilərlə müqayisəsinə əsaslanır və yekun nəticələr müəyyənləşdikcə dəyişə bilər.
14:05 04.11.2026
Oxunuş sayı: 60
