“Bitcoin”in qiyməti yenidən 80 min dollardan aşağı düşüb
Kriptovalyuta bazarında son 24 saat ərzində əsas rəqəmsal aktivlərin əksəriyyətində ucuzlaşma qeydə alınıb. “Bitcoin”in qiyməti yenidən 80 min dollardan aşağı düşüb.
Crossmedia.az xəbər verir ki, “CoinMarketCap” platformasının məlumatına əsasən, “Bitcoin” son sutkada 1,46% ucuzlaşaraq 79 696,70 ABŞ dollarına enib. Kriptovalyutanın qiyməti son 7 gündə 3,78%, son 30 gündə isə 4,06% azalıb.
“Ethereum” 2,09% ucuzlaşaraq 2 303,39 dollara, BNB 0,05% azalaraq 745,08 dollara düşüb. “Zcash” 6,24% dəyər itirərək 1 235,73 dollara, “Monero” isə 2,67% geriləyərək 583,80 dollara enib.
İlk onluqdakı digər kriptovalyutalarda da ucuzlaşma müşahidə olunub. “Bitcoin Cash” 6,55% azalaraq 277,62 dollara, “Bittensor” 4,38% geriləyərək 246,55 dollara düşüb. “Quant” isə 3,32% ucuzlaşaraq 190,60 dollar təşkil edib.
Qızıl əsaslı kriptovalyutalarda nisbətən zəif azalma qeydə alınıb. “PAX Gold” (PAXG) 0,16% ucuzlaşaraq 4 034,90 dollara, “Tether Gold” (XAUT) isə 0,07% azalaraq 4 029,48 dollara enib.
“Bitcoin”in bazar kapitallaşması 1,60 trln. dollar səviyyəsində qərarlaşıb.
Analitiklər bildirirlər ki, kriptovalyuta bazarında satış təzyiqinin davam etməsi investorların riskli aktivlərə münasibətdə ehtiyatlı mövqe tutması ilə əlaqəli ola bilər. Xüsusilə “Zcash” və “Bitcoin Cash” kimi aktivlərin “Bitcoin”dən daha sürətlə ucuzlaşması alternativ kriptovalyutalarda satışların daha güclü olduğunu göstərir.
09:59 29.10.2026
Oxunuş sayı: 57
