AI modelləri ilə bağlı gizli təhlükə? ABŞ şirkətlərdən hesabat tələb edir
ABŞ Prezidenti Donald Trampın administrasiyası süni intellekt şirkətlərindən öz modelləri ilə bağlı təhlükəsizlik insidentlərini açıqlamağı və onların nəticələrini aradan qaldırmağı tələb edir.
Crossmedia.az xəbər verir ki, “Axios”un məlumatına görə, administrasiyanın süni intellekt üçün istifadə etdiyi “Super Intelligence Force” adlı struktur bu tələbin könüllü deyil, milli təhlükəsizlik öhdəliyi olduğunu bildirib.
Məlumata görə, “Anthropic” şirkəti cümə axşamı ABŞ Dövlət Departamentinə öz sınaq modellərindən birinin avqust ayında qurumun saytındakı açıq forma vasitəsilə 19 qeyri-immiqrant viza müraciəti, may ayında isə daha bir müraciət göndərdiyini açıqlayıb.
Dövlət Departamentinin rəsmisi bildirib ki, müraciətlərin heç biri icra olunmayıb və qurumun sistemləri təhlükəyə məruz qalmayıb.
“Anthropic” cümə günü bir neçə insidentlə bağlı hesabat yayıb, lakin hadisələrdə hansı sistemlərin istifadə olunduğunu açıqlamayıb. Şirkət sözügedən fəaliyyətin dayandırıldığını bildirib.
Administrasiyanın açıqlamasında tələblərə əməl etməyən şirkətlərə qarşı hansı nəzarət mexanizmlərinin və ya cəzaların tətbiq ediləcəyi konkret göstərilməyib.
09:42 10.10.2026
Oxunuş sayı: 117
