Kosmosa gedən ilk koreyalı qadından gənclərə mühüm mesaj
Cənubi Koreyanın ilk və hazırda yeganə qadın astronavtı Li So Yon gənclərə öz arzularına və bacarıqlarına məhdudiyyət qoymamağı tövsiyə edib.
Crossmedia.az xəbər verir ki, Li So Yon bu barədə Antalyada keçirilən 77-ci Beynəlxalq Astronavtika Konqresi (IAC) çərçivəsində “Anadolu” agentliyinə açıqlamasında danışıb.
Astronavt bildirib ki, uşaqlıqda heç vaxt astronavt olmağı xəyal etməyib. Onun sözlərinə görə, həmin dövrdə Cənubi Koreyada nə kosmik agentlik, nə də kosmik proqram mövcud idi.
“Buna görə də astronavt olmaq barədə düşünmək heç ağlıma gəlmirdi. Hətta “astronavt” sözünün nə demək olduğu barədə də xüsusi təsəvvürüm yox idi”, - deyə Li So Yon qeyd edib.
17:13 07.10.2026
Oxunuş sayı: 54
