Qazaxda bir nəfər dəm qazından boğularaq ölüb
Qazax rayonunda dəm qazından zəhərlənmə hadisəsi baş verib.
Crossmedia.az xəbər verir ki , hadisə rayonun Kəmərli kəndində qeydə alınıb.
Belə ki, Bakı şəhər sakini, 1977-ci il təvəllüdlü V. Məmmədov kənddəki evdə dəm qazından boğularaq ölüb.
49 yaşlı kişinin meyiti müayinə olunması üçün Məhkəmə-Tibbi Ekspertizanın Patoloji Anatomiya Birliyinin rayon şöbəsinə təhvil verilib.
Hadisə yerinə polis və prokurorluq əməkdaşları cəlb olunub.
Faktla bağlı araşdırma aparılır.
18:52 21.11.2026
Oxunuş sayı: 36