Cəmiyyət
Bakıda maral başı 10 min manata satışa çıxarılıb
Bakıda yaşı 50 ildən çox olduğu bildirilən maral başı 10 min manata satışa çıxarılıb.
Crossmedia.az xəbər verir ki, sosial şəbəkələrdə bu barədə elan yayılıb.
Sosial şəbəkədə yerləşdirilən elanda maral başının Sibirdən gətirildiyi qeyd olunub. Satıcının sözlərinə görə, suvenirin son qiyməti 10 min manatdır.
Qeyd edək ki, bu cür dekorativ əşyalar taxidermiya üsulu ilə hazırlanır. Bu zaman heyvanın dərisi ehtiyatla çıxarılaraq qorunması üçün xüsusi şəkildə işlənir və daha sonra maralın baş və boyun formasında hazırlanmış süni qəlibin üzərinə çəkilir.
Buynuzlar əsasən həqiqi olur, gözlər isə adətən süni şüşədən hazırlanır.
14:08 07.10.2026
Oxunuş sayı: 195
