Xarici xəbərlər

Misir 1973-cü ilin tarixi əməliyyatını belə qeyd etdi

Misirdə 1973-cü ildə Süveyş kanalının keçilməsi ilə bağlı hadisələrin 53-cü ildönümü Qahirədə Nil çayında təşkil olunan möhtəşəm qayıq nümayişi ilə qeyd edilib.

Crossmedia.az xarici KİV-ə istinadən xəbər verir ki, Misirdə 1973-cü il Süveyş kanalı əməliyyatının ildönümü ilə bağlı tədbir keçirilib.

Tədbir zamanı onlarla işıqlandırılmış qayıq Nil çayında Misirin bayrağı formasında düzülüb. Qayıqların üzərində qızılı işıqlardan “73” rəqəmi yaradılıb. Kompozisiya Qahirə qülləsinin fonunda havadan da aydın görünüb.

İldönümü 1973-cü ildə Misir qüvvələrinin İsrailin Bar Lev xəttini yararaq Süveyş kanalını keçdiyi “Bədr” əməliyyatını xatırladır.

1973-cü il hadisələri Misir-İsrail münaqişəsində mühüm mərhələ hesab olunur. Daha sonra 1979-cu ildə imzalanan sülh müqaviləsinin nəticəsində Sinay yarımadası Misirin nəzarətinə qaytarılıb.

https://t.me/ClashReport/99948

Mövzular:

Misir Qahirə Süveyş kanalı 1973-cü il “Bədr” əməliyyatı İsrail Bar Lev xətti

🖨 Çap et

12:50 07.10.2026

Oxunuş sayı: 65