Paşinyan Rusiya hərbi bazasının çıxarılmasını istəmədiyini bildirib
Ermənistanın Baş naziri Nikol Paşinyan Rusiyanın Gümrüdəki 102-ci hərbi bazasının ölkədən çıxarılması məsələsini heç vaxt qaldırmadığını bildirib.
Crossmedia.az xəbər verir ki, Paşinyan Rusiya Prezidenti Vladimir Putinlə 2018-ci ildən ünsiyyətdə olduğunu və bu müddət ərzində hərbi bazanın çıxarılması mövzusunu müzakirəyə çıxarmadığını deyib. Onun sözlərinə görə, məsələ Bişkekdə keçirilən Avrasiya İqtisadi İttifaqının sammitindən sonra gündəmə gəlib.
Qeyd edək ki, Putin daha əvvəl Ermənistanın bazaya ehtiyac olmadığını düşünəcəyi halda Rusiyanın hərbi kontingenti Gümrüdən çıxarmağa hazır olduğunu bildirib. Paşinyan isə Ermənistanın belə bir qərara etiraz etməyəcəyini açıqlayıb.
18:38 16.09.2026
Oxunuş sayı: 44
