"Marsel" 2026/2027 mövsümündə Avropa Liqasında iştirakdan imtina etməyi nəzərdən keçirib
Fransanın "Marsel" klubu 2026/2027 mövsümündə UEFA Avropa Liqasında iştirakdan imtina edərək, diqqəti Liqa 1-ə yönəltmək variantını nəzərdən keçirib.
Crossmedia.az-ın məlumatına görə, bu barədə "L'Equipe" nəşri yazıb.
Məlumata əsasən, belə bir qərar klubun maliyyə vəziyyətinin yaxşılaşdırılması ilə bağlı təzyiqi müəyyən qədər azalda bilərdi.
"Marsel" 2025/2026 mövsümünün yekunlarına əsasən Avropa Liqasına vəsiqə qazanıb. Klubun əsas hədəfi isə Çempionlar Liqasına yüksəlmək olub. Komandanın bu məqsədə çatmaması maliyyə vəziyyətinə təsir edib.
Gəlirlərin azalmasından sonra UEFA klubun maliyyə hesabatlarını daha ciddi şəkildə araşdırıb. Nəticədə "Marsel"in Avropa Liqasında iştirakına icazə verilsə də, klubdan əməkhaqqı fondunu əhəmiyyətli dərəcədə azaltmaq tələb olunub.
Məhdudiyyətlər nəticəsində bir neçə əsas futbolçu komandadan ayrılıb. Buna baxmayaraq, "Marsel" yeni oyunçuları qeydiyyatdan keçirə bilməyib. Bu səbəbdən komandanın heyəti ötən mövsümlə müqayisədə zəif hesab olunur.
Qeyd edək ki, "Marsel" Avropa Liqasının Liqa mərhələsinin ilk turunda sentyabrın 17-də səfərdə Türkiyənin "Beşiktaş" klubu ilə qarşılaşacaq.
15:47 16.09.2026
Oxunuş sayı: 44
