Kanada ABŞ mallarına yeni tariflər tətbiq edir
Kanada ABŞ-dan idxal olunan təxminən 20 milyard dollar dəyərində məhsula 15-50 faiz arasında dəyişən cavab tarifləri tətbiq edib.
Crossmedia.az xəbər verir ki, “Reuters” bu barədə məlumat yayıb.
Yeni tariflər polad və alüminiumla yanaşı, süd məhsulları, məişət texnikası, kənd təsərrüfatı avadanlıqları, elektronika və digər məhsullara şamil olunur. Tarif dərəcələri məhsuldan asılı olaraq 15, 25 və 50 faiz müəyyənləşdirilib.
Kanadanın bu addımı ABŞ Prezidenti Donald Tramp administrasiyasının Kanada mallarına tətbiq etdiyi tariflərə cavab olaraq atılıb. ABŞ avqustun 22-dən Kanadadan idxal olunan təxminən 27,6 milyard Kanada dolları dəyərində məhsula 50 faiz tarif tətbiq edib.
Tariflərin tətbiqi iki ölkə arasında uzun müddətdir davam edən ticarət mübahisəsini daha da kəskinləşdirib. Tərəflər arasında danışıqların avqust ayında nəticəsiz qalmasından sonra qarşılıqlı tariflər qüvvəyə minib.
İqtisadçılar xəbərdarlıq edirlər ki, ticarət qarşıdurmasının uzanması Kanada iqtisadiyyatına ciddi təsir göstərə bilər. Buna baxmayaraq, baş nazir Mark Karni ABŞ tariflərinə qarşı sərt mövqe nümayiş etdirir və ölkəsinin iqtisadi maraqlarını qorumağa çalışır.
17:58 08.09.2026
Oxunuş sayı: 39
