ABŞ Zelenskiyə Moskva görüşlərinin detallarını çatdırıb
Ukrayna Prezidenti Volodimir Zelenski ABŞ tərəfinin Moskvada son günlər keçirilən görüşlərlə bağlı Kiyevə məlumat verdiyini bildirib.
Crossmedia.az bu barədə xarici mediaya istinadən xəbər verir.
Zelenski qeyd edib ki, Moskva bir sıra görüşlər keçirib və Ukrayna bununla bağlı ABŞ ilə əlaqə saxlayır.
“ABŞ tərəfindən məlumat və Rusiya ilə danışıqda lazımi tonu təmin etdikləri üçün təşəkkür edirəm. Fəaliyyətlərin əlaqələndirilməsini və Amerikanın görülməli işlər və əldə edilməli nəticələrlə bağlı kifayət qədər real yanaşmanı təşviq etməsini yüksək qiymətləndiririk”, – Zelenski Telegram˝-da yazıb.
Ukrayna lideri Rusiyanın müharibəni başa çatdırmalı olduğunu və bunun baş verməsi üçün bütün lazımi şəraitin yaradılmasının vacibliyini vurğulayıb.
21:41 28.08.2026
Oxunuş sayı: 55
