MAQATE rəhbərindən BMT-yə sərt tənqid: “Lazım olan yerdə yoxdur”
MAQATE-nin baş direktoru və BMT-nin baş katibi vəzifəsinə namizəd Rafael Qrossi Birləşmiş Millətlər Təşkilatının beynəlxalq münaqişələrin həllində kifayət qədər effektiv fəaliyyət göstərmədiyini bildirib.
Crossmedia.az xəbər verir ki, Rafael Qrossi bu barədə Vaşinqtonda çıxışı zamanı danışıb. O, buna nümunə kimi Rusiya-Ukrayna münaqişəsini, Yaxın Şərqdə vəziyyətin gərginləşməsini, həmçinin Cənubi Sudanda, Sahel regionunda və Suriyada davam edən qeyri-sabitliyi göstərib. Qrossinin sözlərinə görə, bu bölgələrdə BMT-nin fəaliyyəti demək olar ki, hiss olunmur.
“Artıq uzun müddətdir BMT-nin üzərinə qoyulan gözləntiləri doğrultmadığı və öz missiyasını yerinə yetirmədiyi barədə fikir mövcuddur. Bu məsələ bu gün yaranmayıb. Söhbət ondan gedir ki, BMT hər yerdə mövcuddur, amma həqiqətən ehtiyac duyulan yerdə yoxdur”, - deyə Qrossi vurğulayıb.
13:51 27.08.2026
Oxunuş sayı: 47
