ABŞ İranla qarşıdurmanın son mərhələsinə keçdiyini açıqladı
ABŞ-nin maliyyə naziri Skott Bessent İranla qarşıdurmanın “maliyyə hücumu” adlandırdığı yekun mərhələyə keçdiyini bildirib.
Crossmedia.az xəbər verir ki, Skott Bessent bu barədə “X” sosial şəbəkəsində paylaşım edib.
Bessentin sözlərinə görə, Vaşinqtonun həyata keçirdiyi tədbirlər İran iqtisadiyyatının əsas gəlir mənbələrini məhdudlaşdırmağa və Tehrana qarşı iqtisadi təzyiqi maksimum həddə çatdırmağa yönəlib.
ABŞ rəsmisi prezident Donald Trampın İranın hərbi potensialına ciddi zərər vurduğunu və ölkənin hərbi müəssisələrinin böyük hissəsinin məhv edildiyini iddia edib. O, həmçinin İranın nüvə proqramının sıradan çıxarıldığını bildirib.
Bessent qarşıdurmanın bundan sonra iqtisadi müstəvidə davam etdiriləcəyini açıqlayaraq bunu ABŞ-nin rəqibə qarşı həyata keçirdiyi ən böyük maliyyə əməliyyatlarından biri kimi təqdim edib.
16:09 24.08.2026
Oxunuş sayı: 53
