9 noyabr 2024-cü il tarixində Almaniyada Berlin Divarının yıxılmasının 35-ci ildönümü qeyd edilib.
Crossmedia.az xarici KİV-ə istinadla xəbər verir ki, Berlində on minlərlə insan bu əhəmiyyətli hadisəni qeyd etmək üçün toplaşıb.
Tədbirin əsas diqqət mərkəzi 4 km uzunluğunda qurulmuş, uşaqlar və böyüklər tərəfindən yaradılmış plakatlarla bəzədilmiş improvizə edilmiş divar olub. Bu plakatlar məktəblərdə, kilsə icmalarında və müxtəlif ictimai təşkilatlarda hazırlanıb. Şəhər rəhbərliyi, Almaniyanı şərq və qərb olaraq ayıran keçmiş divarın boyunca 5 minə yaxın plakat yerləşdirib.
