Xarici xəbərlər
Ayın yaşı əvvəlki hesablamalardan 40 milyon il çox ola bilər
Alimlər 1972-ci ildə Apollo 17 missiyası zamanı Aydan gətirilən qaya nümunəsindəki sirkon kristallarını təhlil edərək Ayın yaşı ilə bağlı yeni nəticələr əldə ediblər.
Crossmedia.az Earth.com-a istinadən xəbər verir ki, araşdırmaya əsasən, Ay əvvəl düşünüləndən təxminən 40 milyon il daha qədimdir və 4,46 milyard ildən çox əvvəl formalaşıb. Bu nəticə Mars ölçüsündə olduğu ehtimal edilən Theia adlı səma cisminin Yerə toqquşması nəticəsində Ayın yarandığını irəli sürən nəzəriyyəni gücləndirir.
Tədqiqat zamanı alimlər atom zond tomoqrafiyası üsulundan istifadə edərək qədim sirkon kristallarının yaşını dəqiqləşdiriblər.
Mütəxəssislərin fikrincə, bu kəşf Ayın Yerin oxunun sabit qalmasında və planetimizin yaşanabilirliyində oynadığı rolu daha yaxşı anlamağa kömək edir. Eyni zamanda, nəticələr NASA və digər kosmik agentliklərin gələcək dərin kosmos missiyaları üçün də əhəmiyyət daşıyır.
07:34 08.08.2026
Oxunuş sayı: 68
