Britaniya Ukraynaya hər il ən azı 3 milyard funt ayıracaq
Böyük Britaniya Ukraynaya hər il ən azı 3 milyard funt sterlinq həcmində uzunmüddətli hərbi dəstək göstərəcəyini təsdiqləyib.
Crossmedia.az xəbər verir ki, Ukraynanın müdafiə nazirinin səlahiyyətlərini icra edən Yevgeni Xmara bu barədə britaniyalı həmkarı Den Carvis ilə görüşdən sonra məlumat verib.
Onun sözlərinə görə, yardım paketinə Ukraynanın hava hücumundan müdafiə sisteminin gücləndirilməsi, “Shahed” pilotsuz uçuş aparatlarına qarşı istifadə olunacaq yüzlərlə raketin tədarükü, Gripen qırıcılarının Meteor raketləri ilə birlikdə verilməsi layihəsinə dəstək, eləcə də Ukrayna pilotsuz uçuş aparatlarının istehsalının maliyyələşdirilməsi daxildir.
Yevgeni Xmara bildirib ki, bu maliyyələşmənin bir hissəsi dondurulmuş Rusiya aktivlərindən əldə olunan gəlirlər hesabına təmin ediləcək.
17:18 06.08.2026
Oxunuş sayı: 54
