Rusiya Dövlət Dumasından Bayramovun açıqlamasına reaksiya verdi
Rusiya Dövlət Dumasında Azərbaycanın xarici işlər naziri Ceyhun Bayramovun Ukrayna ilə strateji tərəfdaşlıq barədə açıqlamalarına münasibət bildirilib.
Crossmedia.az xəbər verir ki, bu barədə Rusiya mətbuatı Dövlət Dumasının Beynəlxalq məsələlər komitəsi sədrinin müavini Aleksey Çepanın açıqlamasına istinadən məlumat yayıb.
Aleksey Çepa bildirib ki, Cənubi Qafqazdakı vəziyyət İran-ABŞ qarşıdurmasının təsiri ilə dəyişə bilər və bunun Azərbaycanın mövqeyinə də təsir edəcəyini düşünür.
“Düşünürəm ki, Azərbaycan Ukraynaya silah tədarükçüsü olmayacaq. Məncə, yaxın vaxtlarda Qafqazdakı vəziyyət bir qədər dəyişəcək. Bu, ilk növbədə İran-ABŞ münaqişəsində baş verən hadisələrlə bağlıdır. Hesab edirəm ki, Azərbaycan mövqeyini, o cümlədən Ukrayna məsələsində də dəyişəcək”, – deyə Çepa bildirib.
Qeyd edək ki, Aleksey Çepanın səsləndirdiyi fikirlər şəxsi mövqeyidir və Azərbaycan tərəfindən bununla bağlı hər hansı rəsmi açıqlama verilməyib.
16:50 06.08.2026
Oxunuş sayı: 48
