Polşada Zelenskini öldürməyə çağıran şəxs saxlanılıb
Polşada sosial şəbəkələrdə Ukrayna Prezidenti Volodimir Zelenskinin öldürülməsinə açıq çağırış edən şəxs saxlanılıb.
Crossmedia.az xəbər verir ki, "RMF24" bu barədə məlumat yayıb.
Məlumata görə, 40 yaşlı kişi iyulun 30-da polis tərəfindən saxlanılıb. Hüquq-mühafizə orqanları onun sosial şəbəkələrdəki paylaşımlarını araşdırdıqdan sonra barəsində Ukrayna Prezidentini təhqir etmə və qətlə açıq çağırış ittihamı irəli sürüb.
Dindirmə zamanı saxlanılan şəxs peşman olduğunu bildirib və həmin paylaşımları emosiyaların təsiri altında yazdığını etiraf edib. O, əməlinə görə təəssüfləndiyini deyib.
Qanunvericiliyə əsasən, bu ittihamlarla o, üç ilədək azadlıqdan məhrum edilə bilər.
Nəşr qeyd edir ki, son dövrlərdə Polşada Ukraynaya və ukraynalılara münasibətin mənfi istiqamətdə dəyişdiyini göstərən ictimai rəy sorğuları yayımlanıb. Bu fonda ölkədə ukraynalılara qarşı hücumların da artdığı bildirilir.
14:43 31.07.2026
Oxunuş sayı: 52
