Paşinyanın 2 milyard dollarlıq tələbi Moskvada qəzəb doğurub
Rusiya Dövlət Dumasında Ermənistanın Baş naziri Nikol Paşinyanın Cənubi Qafqaz Dəmir Yollarının (CQDY) istismarı ilə bağlı açıqlaması tənqid edilib.
Crossmedia.az bu barədə xarici mediaya istinadən xəbər verir.
Dövlət Dumasının Beynəlxalq Əlaqələr Komitəsi sədrinin birinci müavini Aleksey Çepa RİA Novosti-yə bildirib ki, Paşinyanın Rusiyadan CQDY-nin konsessiyası üçün 2 milyard dollar tələb oluna biləcəyi ilə bağlı açıqlaması təkcə cəsarətli və destruktiv addım deyil, həm də ikitərəfli münasibətlərə kölgə salır və Ermənistandakı daxili böhrana işarə edir.
Onun sözlərinə görə, dostcasına tənzimləmə görüntüsü altında səsləndirilən bu cür təhdidlər Moskva tərəfindən təzyiq göstərmək və əldə olunmuş razılaşmalara yenidən baxmaq cəhdi kimi qəbul edilə bilər.
19:19 30.07.2026
Oxunuş sayı: 42
