KİV: Rusiyaya qarşı sərt sanksiyalar sual altına düşüb
ABŞ Senatında Ukrayna Prezidenti Vladimir Zelenskinin də izlədiyi səsvermədən sonra Rusiyaya qarşı sərt sanksiyaları nəzərdə tutan qanun layihəsinin qəbul edilərək qanuna çevriləcəyinə hələ zəmanət yoxdur.
Crossmedia.az bu barədə ˝Politico˝ istinadən xəbər verir.
Sənədin qüvvəyə minməsi üçün əvvəlcə Nümayəndələr Palatası tərəfindən təsdiqlənməsi tələb olunur. ˝Politico˝ yazır ki, bu, asan olmayacaq. Belə ki, bir sıra demokratlar Rusiya neftini böyük həcmdə alan ölkələrə qarşı ABŞ prezidentinə 100%-dək gömrük rüsumları tətbiq etmək imkanı verən müddəaya qarşı çıxırlar.
Bununla belə, demokrat senator Cin Şahin hesab edir ki, bu, qanuna çevrilmək üçün real şansı olan yeganə sanksiya paketidir. Onun sözlərinə görə, Nümayəndələr Palatasının sentyabrda yay tətilindən qayıtmasına qədər qanun layihəsinin tərəfdarlarının skeptik konqresmenləri təşəbbüsü dəstəkləməyə inandırmaq üçün vaxtı var.
22:44 29.07.2026
Oxunuş sayı: 38
