Ukrayna sərhəddən 1300 kilometr uzaqlıqdakı Rusiya obyektinə zərbə endirib
Ukrayna Silahlı Qüvvələri Rusiyanın sərhəddən təxminən 1300 kilometr məsafədə yerləşən Kirov şəhərindəki müəssisələrdən birinə raket zərbəsi endirib.
Crossmedia.az xəbər verir ki, "Telegram" kanalında Kirov vilayətinin qubernatoru Aleksandr Sokolov bu barədə məlumat yayıb.
Aleksandr Sokolovun sözlərinə görə, hücum nəticəsində xəsarət alanlar var və onlara tibbi yardım göstərilir. O, raket zərbəsinə məruz qalan müəssisənin adını açıqlamayıb.
Qubernator bildirib ki, hadisə yerində operativ xidmətlər fəaliyyət göstərir və vəziyyət nəzarət altındadır. O, sakinləri raket hücumunun nəticələrini əks etdirən foto və videoları paylaşmamağa çağırıb.
11:34 24.07.2026
Oxunuş sayı: 24
