Xarici xəbərlər

İran Britaniyanı hədələdi: Bu baza bizim üçün qanuni hədəfdir

İran İnqilab Keşikçiləri Korpusu (SEPAH) İngiltərədə yerləşən Feyrford aviabazasının İran üçün qanuni hədəf hesab olunduğunu bəyan edib.

Crossmedia.az bu barədə xarici mediaya istinadən xəbər verir.

SEPAH-ın açıqlamasında iddia olunur ki, ABŞ ordusu İrana qarşı son hücumlarda əvvəlcə Hind okeanındakı hərbi gəmilərdən buraxılan qanadlı raketlərdən istifadə edib. Bildirilir ki, həmin gəmilərdəki raket ehtiyatları tükəndikdən sonra ABŞ İngiltərənin Feyrford aviabazasından havaya qalxan B-1 bombardmançı təyyarələrini əməliyyatlara cəlb edib.

Açıqlamada vurğulanıb ki, İran ərazisinə qarşı hərbi əməliyyatlar üçün istifadə edilən istənilən baza Tehran tərəfindən qanuni hərbi hədəf hesab olunur.

SEPAH həmçinin Britaniya hökumətini ABŞ və İsrailin İrana qarşı hərbi əməliyyatlarında iştirak etməkdə ittiham edib və Londonu gərginliyi daha da artırmamağa çağırıb.

Buna cavab olaraq, Böyük Britaniya hökumətinin sözçüsü ölkənin silahlı qüvvələrinin istənilən mümkün hücumun qarşısını almağa hazır olduğunu bildirib.

Qeyd edək ki, SEPAH-ın səsləndirdiyi iddialar və ittihamlar İran tərəfinin mövqeyini əks etdirir. Britaniya hökuməti isə yalnız ölkənin müdafiəyə hazır olduğunu açıqlayıb.

🖨 Çap et

23:28 23.07.2026

Oxunuş sayı: 63