Pezeşkian: İran-Ermənistan münasibətləri kənar müdaxilədən qorunmalıdır
İran və Ermənistan arasında münasibətlərin xarici müdaxilələrdən qorunmalıdır.
Crossmedia.az İran mediasına istinadən xəbər verir ki, bunu İran Prezidenti Məsud Pezeşkian deyib.
Məsud Pezeşkian Nikol Paşinyan ilə Tehranda keçirdiyi görüşdə bildirib ki, İran və Ermənistan arasındakı münasibətlər hər zaman qarşılıqlı hörmət, mehriban qonşuluq və ortaq maraqlar prinsiplərinə əsaslanıb.
İran Prezidenti iki ölkə arasında hərtərəfli əməkdaşlıq haqqında saziş üzrə danışıqların yaxın vaxtlarda başa çatacağına ümid etdiyini də ifadə edib.
Ermənistanın baş naziri Nikol Paşinyan isə öz növbəsində İran İslam Respublikasının təhlükəsizliyinin Ermənistan üçün xüsusi əhəmiyyət daşıdığını vurğulayıb.
Paşinyan bildirib ki, Ermənistan İranın maraqlarına və təhlükəsizliyinə qarşı yönəlmiş heç bir plan, layihə və ya fəaliyyətdə iştirak etməyib və gələcəkdə də iştirak etməyəcək.
Baş nazir əlavə edib ki, İrəvanın digər dövlətlərlə münasibətlərində gizli gündəmi yoxdur və Ermənistan İran tərəfi ilə bütün məsələləri müzakirə etməyə hazırdır.
Görüş barədə daha əvvəl Ermənistan Baş nazirinin mətbuat xidməti də məlumat yayıb.
Qeyd edək ki, Nikol Paşinyan ABŞ və İsrailin zərbəsi nəticəsində həlak olduğu bildirilən İranın ali dini lideri ilə vida mərasimində iştirak etmək üçün Tehrana səfər edib.
14:36 04.07.2026
Oxunuş sayı: 68
