Azərbaycanda həkimlərin əksəriyyəti Bakıda cəmləşib
Azərbaycanda fəaliyyət göstərən həkimlərin 60-70 faizi paytaxt Bakıda cəmləşib. Bu barədə TƏBİB-in İcraçı direktorunun müavini Araz Nəsirov “Səhiyyə İdarəçiləri Zirvəsi 2024” çərçivəsində keçirilən paneldə çıxışı zamanı bildirib.
Onun sözlərinə görə, regionlarda həkim çatışmazlığı ciddi problem olaraq qalır. Nəsirov əlavə edib ki, bu çatışmazlıq səhiyyə xidmətlərinin regionlarda daha əlçatan olmasını təmin etmək üçün təxirəsalınmaz tədbirlər görülməsini zəruri edir.
Qeyd edək ki, zirvə çərçivəsində səhiyyə sistemində kadr problemləri və onların həlli yolları ətrafında müzakirələr aparılır.
Maral Şahverdili
06:04 18.12.2024
Oxunuş sayı: 23166
