Gənclər və İdman
Azərbaycan boksçuları Gürcüstanda keçirilən turnirdə 5 medal qazanıblar
Gürcüstanın Batumi şəhərində təşkil olunan beynəlxalq boks turnirinə yekun vurulub.
Crossmedia.az xəbər verir ki, baş məşqçi Elbrus Rzayevin rəhbərliyi altında çıxış edən Azərbaycan millisi yarışda bir qızıl, bir gümüş və üç bürünc medal əldə edib.
Yığmamızın üzvü Bilalhəbaşi Nəzərov (50 kq) bütün görüşlərdə qələbə qazanaraq turnirin qalibi olub və fəxri kürsünün ən yüksək pilləsində yer alıb.
Kənan Nəcəfov (+90 kq) turniri gümüş medalla başa vurub. Tayfur Əliyev (60 kq), Əli Abdullayev (65 kq) və Abbasqulu Şadlinski (75 kq) isə bürünc medala layiq görülüblər.
07:56 29.05.2026
Oxunuş sayı: 65
