Xəzərdə seysmik aktivlik niyə artır? – rəsmi açıqlama
Xəzər dənizində baş verən seysmik aktivlik bölgədə yeraltı proseslərin davam etdiyini bir daha gündəmə gətirib. Respublika Seysmoloji Xidmət Mərkəzinin məlumatına əsasən, 3,4 maqnitudalı yeraltı təkanlar yerli vaxtla saat 08:40-da qeydə alınıb və hadisə mütəxəssislər tərəfindən operativ şəkildə izlənilib.
İlkin məlumatlara görə, zəlzələnin ocağı 29 kilometr dərinlikdə yerləşib. Təbiət hadisəsi hiss olunacaq dərəcədə güclü olmasa da, Xəzər hövzəsində seysmik rejimin aktivliyini göstərən növbəti göstərici kimi qiymətləndirilir.
Baş vermiş hadisə və yaranmış suallarla bağlı RSXM-nin ictimaiyyətlə əlaqələr şöbəsinin müdiri Vüsalə Rafiqqızı Crossmedia.az-a açıqlamasında Xəzər dənizinin seysmik baxımdan aktiv bölgə olduğunu və aktiv bölgələrdə vaxtaşırı maqnitudası 3 və 3-dən yuxarı olan zəlzələlər qeydə alındığını qeyd edib:
"Xəzər dənizi ərazisi seysmik bölgədi və vaxtaşırı orda maqnitudası 3 və 3-dən yuxarı olan zəlzələlər baş verir. Son günlər Xəzərdə qeydə alınan zəlzələlər, bu gün qeydə alınan zəlzələ də daxil olmaqla maqnitudası 3 dən bir qədər çox olan zəlzələlərdi və onların quru ərazilərə hər hansı təsiri və təhlükəli məqamı yoxdur".
Elmir Heydərli
11:30 25.05.2026
Oxunuş sayı: 57
